Vendimi për Tahirin, Ambasada Amerikane: Pandëshkueshmëria ka marrë fund

Vendimin e Gjykatës së Krimeve të Rënda për arrestin e shtëpisë ndaj Saimir Tahirit e ka komentuar edhe ambasada amerikane. Në një status në Facebook, ambasada thotë se është një shenjë se kjo çështje e rëndësishme korrupsioni do të vendoset në mënyrë të drejtë dhe transparente në gjykata.

Duke përshëndetur edhe arrestimet e fundit për Met Kananin dhe grupin e tij, apo arrestimin e Arber Çekajt, ambasada thote se pandëshkueshmëria ka marrë fund për bosët e krimit në këtë vend.

Reagimi i Ambasadës Amerikane

Ambasada e Shteteve të Bashkuara mirëpret përparimin e bërë nga Shqipëria në luftën e saj kundër krimit të organizuar dhe korrupsionit.

Vendimi i gjykatës për të vendosur Saimir Tahirin në arrest shtëpie është një shenjë se kjo çështje e rëndësishme korrupsioni do të vendoset në mënyrë të drejtë dhe transparente në gjykata. Arrestimi i Met Kananit në Turqi dhe 14 anëtarëve të bandës së tij kriminale në Shqipëri është shenjë e seriozitetit të policisë dhe prokurorëve për të vënë në shënjestër krimin e organizuar. Së fundi, arrestimi i trafikantit të dyshuar të kokainës Arbër Çekaj në Gjermani dhe kërkesa për ekstradimin e tij në Shqipëri është shenjë se pandëshkueshmëria ka marrë fund për bosët e krimit në këtë vend.

Përgëzojmë punën e vështirë dhe me kurajë të Policisë së Shtetit, Prokurorëve të Krimeve te Rënda dhe Gjyqtarëve të Krimeve të Rënda.