FILE- In this May 16, 2018, file photo, President Donald Trump listens to a question during a meeting with Uzbek President Shavkat Mirziyoyev in the Oval Office of the White House in Washington. Trump’s team is running out of time to rewrite the North American Free Trade Agreement this year. (AP Photo/Evan Vucci, File)

Trump anulon takimin e nivelit të lartë me Korenë e Veriut

On May 24, 2018

Shtëpia e Bardhë njoftoi përmes një deklarate se është anuluar takimi mes Presidentit Trump dhe udhëheqësit koreno-verior Kim Jong un. Presidenti Donald Trump postoi më pas një koment në Twitter ku shkruan se “shumë gjëra mund të ndodhin dhe ka gjasa që një shans i madh na pret në të ardhmen. Por mendoj se ky është një hap shumë i ndjeshëm prapa për Korenë e Veriut dhe për gjithë botën”.

Presidenti po ashtu paralajmëroi se forcat e armatosura amerikane janë “më të përgatitura se kurrë” së bashku me aleatët koreano-jugorë dhe japonezë, nëse Koreja e Veriut ndërmerr “ndonjë akt të papeshuar apo të papërgjegjshëm”.

Presidenti Trump shprehu shpresën se udhëheqja e Phenianit do të bashkohej me komunitetin e vendeve.

Vendimi i Shtëpisë së Bardhë vjen pas komenteve të sotme nga autoritetet në Phenian, që u shprehën se Koreja e Veriut është e gatshme për të dyja: ballafaqim bërthamor, ose për bisedime në tryezën e negociatave. Po sot Pheniani u shpreh me terma fyese në adresë të Nënpresidentit Mike Pence, duke e cilësuar si një “politikan kukull”. Në letrën e tij drejtuar udhëheqësit koreano-verior, Presidenti Donald Trump shkruan se revoltimi dhe armiqësia e hapur e shfaqur në deklaratat e fundit të Phenianit, e bën të papërshtatshëm për momentin zhvillimin e takimit të shumëpritur.