Victor Orban u bashkohet patriotëve në Parlamentin Europian

On Mar 21, 2019

Kreu I grupit parlamentar të partive popullore PPE në Parlamentin Europian gjermani Manfred Weber, kandidat për të zëvendësuar Junker në krye të Komisionit Europian, deklaroi në mbrëmjen e ditës së mërkurë se partitë popullore pranuan propozimin e tij për largimin e Partisë Fidesz të Victor Orban.

The #EPP today accepted my proposal to suspend #Fidesz. This was a necessary decision. Our values are not negotiable. Now it is up to the evaluation committee to decide on the position of Fidesz in the @EPP, based on concrete progress on our concerns. They have to rebuild trust. pic.twitter.com/BVtFHCy8W1

— Manfred Weber (@ManfredWeber) March 20, 2019

Postimi I tij në Twitter u pasua nga reagime të shumë llojshme (p.sh mbështetja e fuqishme nga Genc Pollo për vendimin e mësipërm), prej të cilave më të rëndësishmet ishin korrigjimet e shumta se nuk kemi të bëjmë me një propozim të zotit Weber, por thjesht me një miratim të vendimit të Hungarezëve për tu larguar nga Grupimi i PPE.

Pra me pak fjalë, edhe hungarezët e Orban dogjën mandatet që kishin tek partitë popullore europiane. Por në ndryshim të madh nga PD-ja jonë që nuk duket të jetë e qartë se çfarë do të bëjë (të paktën ky është perceptimi i publikut), hungarezët janë larguar me dëshirë nga ky grupim për shkak të një tjetër axhende.

Axhendën e Orban e ka zbardhur, ndoshta pa dashje, profesori i ekonomisë Jörg Meuthen. Ai është politikan gjerman dhe zëdhënësi federal i partisë AfD-Alternativa për Gjermaninë.

Guten Morgen ??!
Ich lade Herrn #Orban und seine Partei #Fidesz ein, nach der #Europawahl im Mai gemeinsam mit den anderen, patriotisch gesinnten Parteien eine ganz neue Fraktionsgemeinschaft ins Leben zu rufen!#AfD #EP2019 #EVP
➡️ https://t.co/FtbwpOSB6p pic.twitter.com/nwkAalxlCw

— Prof. Dr. Jörg Meuthen (@Joerg_Meuthen) March 21, 2019

Në postimin e tij në Twitter ai ka ftuar zotin Orban dhe partinë Fidesz që ai drejton që, “sëbashku të fillojnë të krijojnë një komunitet dhe koalicion të përbashkët me të gjitha partitë patriotike pas zgjedhjeve për Parlamentin Europian që do të mbahen në muajin maj!”