Me protestë rrëzohet çdo padrejtësi…

Nga Luciano Boci

Sot në Mengël inaguruam hapjen e shkollës së rikonstruktuar.
Inaguruam njëkohësisht dhe fitoren e protestës e solidaritetit qytetar!
Këta fëmijë e prindërit e tyre ishin prej tre javësh protagonistët e një beteje të pashembullt, kundër arbitraritetit qeveritar, shurdhërisë dhe makutërisë ministrore, harbutërisë e dhunës policore.
Mengëli me aktin e tij ka shkruar historinë.
Dashuria për dijen dhe shkollën e këtyre fëmijëve zmbrapsi babëzinë e banditizmin e pushtetit.
Ballët e tërmetëve e të policëve nuk i mundën dot ata.
Mësimi që ato dhanë vlen sa për mijëra fjalime tonat.
Me protestë rrëzohet çdo padrejtësi…