Me mirë 24 ore njeri, sesa 100 vjet maskara

Nga Shefqet Gjana *

TERRORR PSiKOLOGJIK ….
Nje nate me pare na u komunikue , se nga gjygji special 4 nga grupi i pare ishin ekzekutue . Ne ate pritje , ne ata ethe ndigjova hapat e potershem perpara deres tone . Celsi rrotollohet tok me shulin e rande prej hekuri . Mbrenda hyne dy polic . Qendruen si skylftere perballe nesh , duke na shikue venger e kercnueshem . Njeri , ai me trup me te larte e me te lidhun pyet :
Cili eshte Shefqet Gjana ? Te vije me ne ! Niku dhe Hulusiu m’i ngulen syte . Me shume mundim ngrihem ne kambe . Vrejta fytyrat dyll te verdha te shokeve , qe qendronin si te ngrire ne qeli . I pershendeta me krye dhe u fola : Lamtumire … Dy policet duke me qendrue anash me drejtuen ne te kundert te koridorit .”Gjithecka mori fund , mendova me vete dhe ndjeva , se po me priteshin gjunjet” . Arritem perpara nje porte – dhome . Polici trokiti . Dera hapet nga mbenda . Dikush foli : Hyr , ndersa une ndjeva se si me shtyu polici . U gjenda para tre vetave . Dy ne kambe , i treti ulur ne kolltuk duke pire cigare . Njerin prej atyre ne kambe e njihja. Ishte operativi i burgut tone , Ivzi Lice . E pash kalimthi , mosperfilles . Gjithenje me ishte dukun , se kullonte zi , katran . Edhe ne emrin e tij , flitej ne kamp ka dicka nga katrani “Zi -iv” , “Iv – zi . Ky mendim a vegim perqeshes tani iku shpejt . Ivziu ishte aty dhe une po aty . Ai , qe rrinte aty hijerande , fodull , i krekosur , i pispillosur , me dukej i plotefuqishem ne ate ambjent . Emrin nuk ia mesova kurr . Me urdheruen te ulesha ne nje karrige perballe atij , qe thithte qetesisht cigaren . Me shikoi si nje gjarper , duke rrotullue syte ngjtes , pa e levizur kryet . – Jam drejtori i sigurimit te shtetit , me tha ftohte – ndersa po me hetonte me sy sikur do me kafshonte nga casti ne cast , .me nge , diku ne balle , ne qafe , ne fyt ner sy . Ndjeva mornica … -Ju e dini pozicionin tuaj ? – Nuk kam ndonje pozicion te vecante ,zotni – i thashe . Une heshta , por edhe ai heshti …- Po mendohej . – Ne mos gabofsha , ju jeni denue per terrorr ndaj shokut Enver . Kjo eshte e mjaftueshme si fakt , sa t’u eliminojme fizikisht , kur te duam ne . Ai perseri heshti . Vrejta , se syri i tij i ftohte po me hetonte imtesisht per efektin , qe me bene fjalet e tij kercnuese .
– Zotni, nuk jam denue per terrorr , por vetem per mendim ne kuader te agjitacionit me nenin 73 . Ai :
Rreevolta e Spacit, pjesemarrja e juaj e mbushen kupen ….i pandehun …. Ju beje thirrje tereagoni drejt , ne qoftese vertete do shpetosh veten tande , pasi jeni akoma i ri ….Nje lemsh i vertete ne tru . Pushkatimi , bresherite qe po kositnin shoket , vuajtja dhe tani rrevolta , por drejtori kerkonte “reagim” .!! Pra, ky njeri nuk po me conte para skuadres se pushkatimit , por kerkonte dicka . Cfare ?!? – Zotni , une nuk ju kuptoje , se per cfare reagimi behet fjale ?!? – Duke u nis nga fakti , se ju nuk ju mungon inteligjenca , po t’a them hapur . Partia kerkon , qe te punosh per organet e sigurimit te shtetit , keshtuqe ata qe ke bere …qe ke mendue per shokun Enver , duam te na sherbejsh ne per t’i shlye . U trullosa, sikur te me kishte godite dicka ne krye . Mu moren mendet . Gjurmet e turturave ne trup , fyrjet , poshtrimet , pushkatimi i shokve , veshtrimet e Nanes , te Nikos dhe Hulusiut , si nje imazh i trisht me erdhen para . Valle gjitha keta t’i tradhetoja , te gjujzohesha ?!? Keshtu ? Jo …jo.!
Ndjeva , se po me zgjohej nje vale e ngrofte mbrenda qenjes time . Me erdhi ne ndihme shpiti i prejardhjes . – Zotni – i thash dhe e shikova drejt ne sy – me mire dua te jetoje 24 ore njeri, sesa 100 vjet maskara , me mire i vdekun sesa kofomë e gjallë….
– Ne esfel te gomareve t’a pafshim koken ! Merreni maskarajn ! Keshtu shfriu drejtori ……

*Pjese nga libri : “Ferri i te gjalleve”.