Alibeaj: Ekspertët konstitucionalistë, analizë mbi zgjedhjen e Arta Markut

Mazhoranca dhe opozita i kanë deleguar ekspertëve ligjorë detyrat mbi ndryshimet kushtetuese të propozuara nga PD, që synojnë largimin e Arta Markut dhe zgjedhjen me konsensus të prokurores së përgjithshme të përkohshme. Në mbledhjen e përbashkët të Këshillit të Legjislacionit dhe Komisionit të Ligjeve, opozita ka kërkuar mendimin e ekspertëve mbi kushtetutshmërinë e zgjedhjes së kryeprokurores Arta Marku më 18 dhjetor.

Partia Demokratike i ka kërkuar ekspertëve konstitucionalistë të analizojnë mënyrën se si u zgjodh prokurorja e përkohsme Arta Marku. Në mbledhjen e Komisionit të Ligjeve dhe Këshillit për Legjislacionin, deputeti Enkelejd Alibeaj, tha se kryeprokurorja u zgjodh pa vetin ndërsa tha se duhet shqyrtuar procedura parlamentare, a është në linjë me standartet ndërkombëtare.

Alibeaj: Zgjidhja aktuale, pra emërimi i prokurorit të përgjithshëm të përkohshëm në këtë mënyrë siç ka ndodhur pa vetting, me votat politike të njërës anë, sa e ka potencialin për të ndërhyrë, për të influencuar? Çfarë instrumentash ka në dorë për të diktuar zgjedhjet e 6 anëtarëvce që vijnë nga Prokuroria si pjesë e KLP.

Ndërkohë që për mazhorancën, ekspertët duhet të përgjigjen nëse ndryshimet e kërkuara përcaktojnë filtra të tjerë në zgjedhjen e prokurores së përgjithshme, përveç atyre të sanksionuara në kushtetutë.

Për t’iu dhënë përgjigje kërkesave të deputetëve, ekspertëve u është dhënë një javë afat.